Wat jy moet weet...
Hier is 'n paar noodsaaklike punte waarvan jy kennis moet neem indien jy beplan dat ons jou in die huwelik bevestig.
Die huwelik is 'n wonderlike instelling van God. Lewende Woord Brummeria se fasiliteite is geskik vir klein óf groot troues. Met 'n ouditorium van 2 500 sitplekke of 'n kapel van 200 sitplekke, maak grootte by ons nie saak nie! Verder is doeltreffende spyseniering deur ons Oase Restaurant beskikbaar. Indien jy wil hê dat ons jou in die huwelik bevestig, sal jy ten minste 3 maande voor die troue by ons moet registreer vir voorhuwelikse berading en die identifisering/aanwysing van 'n beskikbare leraar. Kontak ons gerus vir meer inligting oor die voorbereidingsproses wat jy sal moet deurgaan. Toemaar, dit is nie so erg as wat jy dink nie.
Onderwerpe wat in ons voorhuwelikse beradingskursus bespreek word, sluit in:
- Wat is God se doel met die huwelik.
- Evaluering van temperamente en riglyne vir die hantering van verskillende temperamente.
- Bepaling van kernbehoeftes en riglyne vir die hantering van verskillende behoeftes.
- Bepaling van romantiese liefdesbehoeftes.
- Bepaling van liefdestale.
- Evaluering van kommunikasiestyle en riglyne vir konstruktiewe kommunikasie.
- Riglyne vir die hantering van finansies.
- Man en vrou se verskillende rolle en verantwoordelikhede vir suksesvolle spanwerk.
- Geestelike groei en intimiteit
- Seksuele intimiteit-evauasie (vir gebruik na die bruilof)
- 'n DVD selfdoen-huweliksvoorbereidingspakket met handleidings is ook beskikbaar.
Last Updated on Monday, 15 August 2011 11:42 Written by Administrator Tuesday, 19 January 2010 10:15
Wil jy jou baba inseën?
U kind is vir die Here so kosbaar en daarom is dit ons as gemeente 'n voorreg om u kind in te seën en aan die Here toe te wy.
Kinders word een keer per maand tydens 'n Sondagoggend diens ingeseën. Die datums hiervoor is vooraf bepaal en is beskikbaar op die maandprogram. Ouers moet hul kind/ers se besonderhede 2 weke voor die betrokke Sondag vir ons gee. Ons versoek die volgende van jou:
1. Voltooi die inseënvorm en handig dit in of faks (0866211374) dit vir ons terug. Jy kan die vorm hieronder aflaai. Die vorm is beskikbaar in PDF formaat.
Inseënvorm in PDF Formaat (46.19KB)
2. 'n Kort geskrewe stukkie oor jou kind (nie meer as 10 lyne nie). Dit moet verkieslik 'n seëngebed wees wat jy jou kind toebid.
3. 'n Foto van jou kind (700 x 525). Jy kan punte 2 & 3 vir ons epos, nie faks nie asb.
Is jy 'n nuwe lidmaat of oorweeg jy om 'n lidmaat van ons gemeente te word? Indien jou antwoord ja is, wil ons jou hartlik as deel van ons familie verwelkom. Soos wat jy aktief binne ons gemeentekonteks diensbaar is en jouself daagliks aan God en Sy plan met jou lewe onderwerp, sal jy sonder twyfel na nuwe hoogtes styg. Jy is vir ons waardevol en ons vertrou dat jy saam met ons sal deel in die realiteit van die liefde van die Koning van alle konings, jou Verlosser en Vriend, Jesus Christus. Baie welkom...
Oorweeg jy dit om 'n lidmaat te word? Aansoekvorms is Sondae by die inligtingstoonbank beskikbaar.
